Rasulullah ﷺ ne irshaad farmaaya: Jis aadmi ne kisi se qarz liya, phir us ki niyyat qarz ada karne ki na ho (aur na hi us ne zindagi mein qarz ada kiya), to woh Allah se chor hone ki haalat mein milega. (Ibne Maaja: 2410)
Witr Padhna kya hai..?
Hazrat Buraida Aslami Raziyallahu Anhu farmaate hain ke main ne Rasulullah ﷺ ko farmaate huwe suna ke Namaaz-e-Witr laazim hai, jo witr ada na kare woh ham (musalmaanon) mein se nahin hai (yeh jumla Aap ﷺ ne teen martaba irshaad farmaaya). (Abu Dawood: 1419)
Ghar walon ko Salam
Hazrat Anas Raziyallahu Anhu farmaate hain ke muje Rasulullah ﷺ ne irshaad farmaaya: Bete ! Jab tum apne ghar mein daakhil ho to ghar waalon ko Salaam karo ye tumhare liye aur tumhare ghar waalon keliye barkat ka sabab hoga. (Tirmizi: 2698)
MARD NIKAH KISSE KARE
Rasoolullaah ﷺ ne farmaaya: Tum aurton se (Sirf) un ke husn-o-jamaal ki wajah se shaadi na karo. Kyun ke husn-o-jamaal khatm hone waala hai aur na un ki maaldaari ki wajah se shaadi karo, mumkin hai ye maaldaari un ko nafarmaani mein mubtala karde. Albatta un se deendaari ki buniyaad par shaadi karo. (Ibne Maaja: 1859)
Subscribe to:
Posts (Atom)